DSC_0351_edited.jpg
  • Facebook - Black Circle
  • YouTube - Black Circle

මා මේ පැමිණ ඇත්තේ වෙනත් ලෝකයකටදැයි මට සිතෙනවා. මා ඉදිරියේ දිස්වන්නේ අතිශය අලංකාර වූ ස්වාභාවික සුන්දර දර්ශන තලයක්. අඩි 650ක් පමණ උස යන්ත්‍රානුසාරයෙන් කපා නිමකරන ලද මෙන් දිස්වන ගල් පවුරු, ඒවා අතරින් වැවී ඇති ගස් වලින් ලැබෙන හරිත වර්ණය, සුර්යාලෝකය සහ සුදු මිහිදුම් පටලය නිසා මැවෙන මේ සුන්දර දර්ශනය. අපි හැම විටම දකින චීන චිත්‍ර වල සැබෑ දර්ශනයන් මගේ දෑස් ඉදිරිපිට.

 

මේ චීනයේ ශාන්ග්ජියාජේ හෙවත් අවතාර් අඩවියේ දක්නට ලැබෙන දර්ශනයන්. චීනයේ හුනාන් ප්‍රාන්තයේ අගනුවර වන චන්ග්ශා නුවර සිට කි.මී.350ක් පමණ දුරකින් පිහිටා ඇති මේ වන අඩවිය අද ලොව සංචාරකයින් අතර ඉතාම ප්‍රසිද්ධ සංචාරක කේන්ද්‍රස්ථානයක් ලෙස සැලකෙනවා.

 

ලොව ඉතාම ජනප්‍රිය වූ ජේම්ස් කැමරුන් ගේ හොලිවූඩ් ත්‍රිමාන චිත්‍රපටියක් වූ අවතාර් හි පසුබිම් දර්ශන තල සකස් වී ඇත්තේ මේ ශාන්ග්ජියාජේ හෙවත් අවතාර් අඩවියේ දක්නට ලැබෙන දර්ශනයන්ගෙන්. 

යුනෙස්කෝ සංස්කෘතික උරුමයක් ලෙස දැන් සැලකෙන මේ අඩවියට මේ දක්වා සංචාරකයින් මිලියන 40ක් පමණ පැමිණ තිබෙනවා.  

© Sanchara - Rokhan Direkz
© Sanchara - Rokhan Direkz

රීටා යූ අපට හමුවුයේ මේ අවතාර් වනාන්තර අඩවියේදී. ශාන්ග්ජියාජේ ජාතික විශ්ව විද්‍යාලයේ අධ්‍යාපනය ලබන රීටා මේ වනාන්තර අඩවියේ ගහක් ගලක් පාසා හොඳහැටි අඳුනනවා. එසේම චතුර ලෙස ඉංග්‍රීසි සහ රුසියානු භාෂාවන් හැසිරවිය හැකි නිසා ඇයත් සමග අදහස් හුවමාරු කර ගැනීමේදී අපට එය ඉතා ප්‍රයෝජනවත් වුනා. 

 

අප නැවතී සිටි හෝටලයේ සිට විනාඩ් 40ක පමණ ගමනකින් පසු අවතාර් වනාන්තර අඩවියට ඇතුල් වන දොරටුව වෙතට පැමිණුනු අප දුටු දර්ශනයෙන් පුදුමයට පත් වුනා. දස දහසකට අධික චීන සහ විදේශීය සංචාරකයින් පිරිසක් අඩවියට ඇතුල් වීම සඳහා පෝලිමේ රැදී සිටිනවා අප දුටුවා. මේ ස්ථානය සංචාරකයින් අතර කොතරම් ජනප්‍රියයි දැයි  අපට ඇත්තටම ප්‍රත්‍යක්ෂ වුනේ ඒ අවස්ථාවේදී.

© Sanchara - Rokhan Direkz
© Sanchara - Rokhan Direkz

මේ වනාන්තර අඩවියේ මුලික වශයෙන් නැරඹිය යුතු අංශ කිහිපයක් ඇත.  මුලින්ම අපට හමු වන්නේ ඉහත සඳහන් කල අවතාර් නිම්නයයි. 

© Sanchara - Rokhan Direkz
DSC_0906_edited.jpg
© Sanchara - Rokhan Direkz

ශීත කාලයේ තරමක උණුසුම් කාලගුනයකුත් එමෙන්ම වසන්ත සමයේ සිසිල් කාලගුනයකුත් පවතින මේ අවතාර් වනාන්තර අඩවිය ඇත්ත වශයෙන්ම ස්වභාවධර්මයේ අති විශිෂ්ට දායාදයකි. සෑම විටම පාහේ තෙත් බර කාලගුණ තත්වයක් පවතින නිසාත් වසර දහස් ගණනක් මුලුල්ලේ හිම මිදීමෙන් සහ ඒවා ප්‍රසාරණයට ලක්වීමෙන් සහ දිය වීමෙනුත් එමෙන්ම නැවත මිදීමෙන් ඇතිවූ විපර්යාසයන් නිසාත් පසුව ඒවා මත ශාකයන් රෝපණය වීමෙන් හට ගත් විපර්යාසයන් නිසා මේ දර්ශනීය ගල් කණු සහිත පාරිසරික තත්වය ඇතිවූ බව පරිසරවේදීහු පවසති. 

 

ජායාරුපයක් ගැනීම සඳහා ඉඩක් ලබා ගැනීමට ඔබට මෙහිදී ඇත්තේ සීමිත ඉඩ කඩකි. ජායාරුප ගැනීමට පොරකන සංචාරකයින් අතරින් ඒ සඳහා ඉඩක් ලබා ගැනීම ලෙහෙසි පහසු කාර්යයක් නම් නොවනු ඇත. තව දුරටත් ඉදිරියට ගමන් කල අප පිවිසුනේ කේබල් කාර් මගින් තවත් ඉහලට ගමන් කිරීම සඳහා වන පිවිසුම් මධ්‍යස්ථානයටයි. 

© Sanchara - Rokhan Direkz
© Sanchara - Rokhan Direkz

කේබල් රථ කුටියේ සිට මැවෙන දර්ශනයේ චමත්කාරය වචනයෙන් විස්තර කල නොහැක. අප දැන් මේ පසු කර යන්නේ 99 වංගු වශයෙන් හඳුන්වන ටියාන්මෙන් කන්දේ මුදුන දක්වා දිවෙන මහා මාර්ගයයි. ලෝකයේ දිගම කේබල් කාර් ධාවන මාර්ගය වන්නේ මේ අවතාර් අඩවියේ පහල සිට ටියාන්මෙන් කඳු මුදුන දක්වාය. 

© Sanchara - Rokhan Direkz

තව දුරටත් ඉහලට ගමන් කල අපට ඊළඟට යාමට සිදුවුයේ ඉතා භයානක එහෙත් සිත් ගන්නා සුළු ලෝව පියස්සේ එල්ලෙන පාලම නමින් හැඳින්වෙන අවතාර් කඳු වැටියේ එක් පැත්තක ඉදි කර ඇති කොන්ක්‍රීට් පාලමක් මතින්ය. කඳු ගැටියේ ඉහල කෙලවරට වන්නට මේ පාලම පිහිටා තිබීම නිසා මේ පාලම මතින් ගමන් කිරීමේදී කඳු පාමුල දෙස බැලීම ඉතා අපහසු කාර්යක් වනු ඇත.  තවද මේ පාලමේ එක් පැත්තක ඇත්තේ කම්බි සහ ලී වලින් සැකසු පාලම ඇඳක් නිසා මෙහි භයානකත්වය තවත් වැඩි වේ. 

© Sanchara - Rokhan Direkz
© Sanchara - Rokhan Direkz

ශාන්ග්ජියාජේ වනාන්තර අඩවියේ වඩාත් ආකර්ශනීය එමෙන්ම ත්‍රාසජනක අත්දැකීම ලබා ගන්නට අපි ඊළඟට සැරසුනේ. ඒ තමයි අහස තලයේ ගමන් කිරීම හෙවත් skywalk. මීටර 1600ක් දුරක් තවත් මීටර 1400ක් උසින් පිහිටා ඇති වීදුරු පාලමක් මතින් ගමන් කිරීම ලෙහෙසි පහසු ක්‍රියාවක් නොවේ.  මේ සඳහා පාවහන් ගලවා වන අඩවිය විසින් ලබා දෙන විශේෂ මේස් කුට්ටමක් පැළඳ ගත් යුතු වෙනවා. ඒ වීදුරුවට පාවහන් වලින් සිදුවන හානි වලකා ගන්නට.  පාලමේ පළල මීටර 2ක් පමණ වෙනවා. එක් පැත්තකින් ගල් කඳු වැටියත් අනික් පැත්තෙන් ඇත්තේද වීදුරු පාලම ඇඳක්. ඒ නිසා හැම පැත්තකින්ම අපිට පෙනෙන්නේ අහසේ උඩ සිටින්නාක් මෙන්. කඳු ගැටියේ උස නිසා ඒ අවට සුදු පැහැති වලාකුල් පාවෙන අතර අපිට ඇත්තටම දැනෙන්නේ වලාකුළු මත ඇවිදින්නාක් මෙන්.  පහල බැලීම නම් කිසි සෙත් අනුමත කරන්නට බැහැ. සමහර සංචාරකයින් බියෙන් බියෙන් කඳු ගැටිය අයිනෙන් බිම නොබලා ගමන් කරන අයුරු මා දුටුවා.  ඇත්තටම මෙය ත්‍රාසජනක අත්දැකීමක්. මෙතරම් සෙනගක් එකවර මේ වීදුරු පාලම මත ඇවිදීමෙන් කොයි මොහොතේ හෝ මේ පාලම කඩා වැටේදැයි හැගීමක් අපිට ඇති වුනා. 

හැබැයි මේ හැම අවස්ථාවකදීම අපිට දිස්වුණු දර්ශනීය පරිසරය නම් අමතක කරන්නට බැහැ. 

© Sanchara - Rokhan Direkz
© Sanchara - Rokhan Direkz
© Sanchara - Rokhan Direkz
© Sanchara - Rokhan Direkz

ශාන්ග්ජියාජේ වනාන්තර අඩවියේ බලන්නට තියෙන දේවල් ඉතාම පුදුම සහගතයි. අපි ඊළඟට ගියේ මිහිතලයේ පියස්සට මාවතක් වශයෙන් හැඳින්වෙන දර්ශනීය ගල් ගුහාවක් නරඹන්න. පුදුමයකට වගේ මේ ගල් ගුහාව පිහිටා තියෙන්නේ තවත් මීටර 131ක් පමණ උසකින්. හැබැයි මේ තැනට නගින්න නම් ලෙහෙසි පහසු නැහැ. ඒ සඳහා ගල් පඩි හරියටම 999ක් නගින්නට වෙනවා. මේ කඳු වැටිය මුදුනේ ඇති ගුහාවන් ටියාන්මාන්  සහ ශාන්ග්ජියාජේ වනාන්තරය දර්ශනීයව දිස්වෙනවා.  පඩි 999 විවෘත වන්නේ විශාල ගල් කුහරයකට. මේ ගල් කුහරය ඉතාමත් අලංකාර ලෙස කඳු පාමුල සිට බලා ගන්නට පුළුවන්.  මේ අහස ගැබේ සිට පහලට එම නම් ඉතා පහසු ක්‍රියාවක්. සංචාරකයින්ගේ පහසුව තකා විදුලි සෝපානයක් ක්‍රියාත්මක වෙනවා. 

© Sanchara - Rokhan Direkz
© Sanchara - Rokhan Direkz

මේ ටියාන්මාන් කන්දේ වනාන්තරය තුල තවත් දර්ශනීය බෞද්ධ විහාරයක් පිහිටා තිබෙනවා. 

© Sanchara - Rokhan Direkz
© Sanchara - Rokhan Direkz
© Sanchara - Rokhan Direkz
© Sanchara - Rokhan Direkz

ලොව වේගවත්ව විදුලි සෝපානය 

ඊළඟට අපේ අවධානය යොමු වුනේ එළිමහනේ පිහිටා ඇති ලොව වැඩිම උසකට ඔබව රැගෙන යන විදුලි සෝපානය වෙත.  මකරුන් 100 දෙනෙකුගේ විදුලි සෝපානය නමින් තමයි මෙය හඳුන්වන්නේ. ඒ වගේම ලොව ඉතාමත් වේගයෙන් ගමන් කරන සෝපානය හැටියටත් මෙය හඳුන්වනවා.  මීටර 360ක උසක් පුද්ගලයින් 48ක් රැගෙන විනාඩි 2කින් අවසන් කරන්නට මේ විදුලි සෝපානයට හැකියාව තිබෙනවා.  අවතාර් කඳු වැටියේ විශාල ගල් කන්දකට සම්බන්ධ කර තනා ඇති මේ විදුලි සෝපානය පිටින් බලන විට අලංකාරව පෙනෙනවා. නමුත් සෝපානයේ ගමන් කරන විට නම් ඔබට අවට පරිසරය දකින්නට ලැබෙන්නේ ඉතාමත් කලාතුරකින්. පුද්ගලයින් 48 දෙනෙක් මේ සෝපානය තුල ගමන් කරන නිසා තෙරපි තෙරපී  තමයි අපිට ගමන් කරන්නට පුළුවන් වුනේ. ඉදිරිපස සිටි සංචාරකයින් කිහිප දෙනෙකුට විතරයි  ඒ අවස්ථාව හිමි වුනේ. 

DSC_0235_edited.jpg
© Sanchara - Rokhan Direkz

ස්වාභාවික ගුහා සහ පොලව යට ගංගාවක් 

පසු දිනයේදී අවතාර් කඳු වැටිය අසල පිහිටා ඇති ස්වාභාවික ගුහාවන් නැරඹීම සඳහා අපි පිටත් වුනා. චීනයේ වුලින්ග්යුඅන් හි පිහිටා ඇති මේ ස්වාභාවික ගුහාවන් කි.මී. 15ක පමණ දුරකට විහිදී පවතිනවා. ලොව පුදුම ගුහාවන් අතරට එක්වන මේ ගුහාවන් වල හුණුගල් වලින් නිර්මාණය වූ විවිධ හැඩයන් සහිත කඳු ගැටී සහ ස්වරූපයන් තමයි දක්නට ඇත්තේ. එමෙන්ම වියලි සහ තෙත් ගුහාවන්ද දක්නට ඇති අතර විවිධ වර්ණයන්ගෙන් සෑදී ඇති මේ හුණුගල් නිර්මාණයන් වලට වර්ණවත් විදුලි ආලෝකය එක් කිරීමෙන් තවත් දර්ශනීය තත්වයක් එයට එකතු කර තිබෙනවා. 

© Sanchara - Rokhan Direkz
© Sanchara - Rokhan Direkz
© Sanchara - Rokhan Direkz
© Sanchara - Rokhan Direkz

එසේම පුදුමයට  වාගේ පොලව යට මේ ගුහාවල් වල ඇති ගංගාවේ බෝට්ටු සංචාර වල යෙදෙන්නටද අපට අවස්ථාව  ලැබුනා. 

© Sanchara - Rokhan Direkz

මේ තවත් ශාන්ග්ජියාජේ නගරය අසල පිහිටා ඇති දර්ශනීය ජල චක්‍ර උයනේ ජායාරුප කිහිපයක්. 

© Sanchara - Rokhan Direkz
© Sanchara - Rokhan Direkz

අවතාර් වන අඩවියට කි.මී. 150ක් පමණ දුරින් පිහිටා ඇති චීනයේ ඉතා පැරණි ගම්මානයක් වන  ෆෙන්හුආන් ගමට සංචාරය කිරීමේ අවස්ථාවක්ද මට හිමි වුනා. මේ ගම්මානය තවමත් පවතින්නේ ඒ ඉපැරණි තත්වයෙමයි. නව දියුණුවීම් සහ ලක්ෂණයන් තවමත් මේ ගම්මානයට පැමිණ නැහැ. ඒ නිසා ඒ ඉපැරණි අසිරිය විඳ ගන්නට සංචාරකයින් විශාල ප්‍රමාණයක් මේ කුඩා ගම්මානයට පැමිණෙනවා.  ටෝත්ස්යාන් ගංගාව අසබඩ තමයි මේ ගම්මානය පිහිටා තිබෙන්නේ.  2008 වර්ෂයේදී චීනයේ ලස්සනම ගම්මානය ලෙස මේ ෆෙන්හුආන් ගම්මානය තේරුනා.  චීනයේ ඉපැරණි ජාතීන් වන මියාඕ සහ ටෝත්සාන් ජාතීන් මේ ගම්මානයේ බහුලව වෙසෙනවා. 

DSC_0573_edited.jpg
© Sanchara - Rokhan Direkz

ටෝත්ස්යාන් ගංගාව අසල මේ ගම්මානය පිහිටා ඇති නිසා ධීවර කර්මාන්තයේ යෙදෙන චීන ජාතිකයින් බහුලව මෙහි වාසය කරනවා. ගම්මානයේ සැම තැනකම පාහේ මාළු සහ ඒ සම්බන්ධ නොයෙකුත් කෑම වර්ග විකුනනට තිබෙනවා. ඒ අතරින් ඉතා ප්‍රසිද්ධ වන්නේ පන ඇති කුඩා මත්ස්‍යයින් යොදා ගනිමින් සාදා ගන්නා අහාර වර්ගයක්.

© Sanchara - Rokhan Direkz
© Sanchara - Rokhan Direkz

චීනයේ අවතාර් වන අඩවියේ කල සංචාරය නම් ජීවිතේ කවදාකවත් අමතක වෙන එකක් නැහැ. ඔබ පරිසරයට ආදරය දක්වන්නේ නම් මෙවැනි ස්ථාන ආරක්ෂා කර ගැනීම ගැන චීන රජය දක්වන ආකල්ප ගැන ඇත්තටම සතුටු වන්නට පුළුවන්. සංචාරකයින් අවතාර් වන අඩවිය නැරඹීමේදී විශේෂ නීති සම්ප්‍රදායයන් වලට ලක් වෙනවා. විශේෂයෙන්ම පොලිතීන් භාවිතය, මෝටර් රථ සහ මෝටර් බයිසිකල් භාවිතය වන අඩවියේ සම්පුර්ණයෙන්ම තහනම්.  ඔවුන් ඒ සඳහා විදුලියෙන් ධාවනය වන දුම් පිට නොවන වාහන වන අඩවිය තුල භාවිතා කරනවා.  වන අඩවියේ පෙදෙස් නැරඹීමට විශේෂ මාවත් සහ ස්ථාන වෙන් කර තිබෙනවා. ඒ මාවත් වල පමණයි සංචාරකයින්ට ගමන් කරන්නට අවස්ථාව දීලා තියෙන්නේ. 

 

ලිපිය ටිකක් දිග වුනත් මම හිතනවා ඔබට මේ අවතාර් වන අඩවිය ගැන යම් අදහසක් අවබෝධයක් මේ තුලින් ලබා ගන්නට පුළුවන් වුනා කියලා.  

Rokhan Direkz

රොහාන් ඩිරෙක්ස් 

rohandx@hotmail.com

  • ඉතියෝපියාවට....

    අප්‍රිකාවේ පැරණිතම නිදහස් රාජ්‍යය ලෙස හඳුන්වන්නේ ඉතියෝපියාව. ඒ වගේම ආර්මේනියාවට අමතරව ලොව පැරණිතම ක්‍රිස්තියානි රාජ්‍යය වන්නේද ඉතියෝපියාවයි. තවත් වැදගත් කරුණක් වන්නේ අප්‍රිකානු රටවල් වලින් යටත් විජිතයක් වශයෙන් නොපැවැති රටක් හැටියට  ඉතියෝපියාව සඳහන් වීමයි.>>>>

    ETHIOPIA TRAVEL

    DSC_1001_edited_edited.png
  • ​රයිෂ්ටාග් රහස 

    ඉතිහාසය කුමන හේතුවක් නිසා වෙනස් කලාද යන ප්‍රශ්නයට ද තවමත් පිළිතුරු ලැබී නැහැ. ගෞරවය ලැබිය යුතු පුද්ගලයාට එය ලැබුනේ නැත්තේ ඇයිද යන්නටත් තවම පිළිතුරු නැහැ.  රුසියානුවන් පවසන්නේ මේ ආකාරයට තවත් කොයි තරම් දේවල් සැඟවී යන්නට ඇත්ද යන්න...

    ​හිට්ලර් ගිනි තැබූ ජර්මානු පාර්ලිමේන්තුව >>>>

    GERMANY TRAVEL

    018.jpg
  • රටක් තුල රටක් 

    අන්තර් ජාලය, රුපවාහිනිය, ජංගම දුරකථනය සහ මෝටර් රථය. ඔබ සිතනවද ඔබට පුළුවන් කියල මේ දේවල් වලින් සදහටම ඈත් වෙන්න....ඒ වගේම රථ වාහන, විදුලි උපකරණ සහ විදුලි බලය........මේ දේවල් නොමැතිව පවතින රටක්, සමාජයක් නැතිනම් එක නිවසක් අද අපිට සොයා ගන්නට පුලුවන්ද!​

    ​ඔබ විශ්වාශ නොකරාවි. මම ඔබට හඳුන්වලා දෙන්නම් එවැනි ජන කොට්ටාශයක්.>>>>

    BOLIVIA TRAVEL

  • චින්ගීස් ඛාන් ගේ දේශයට ...

    මොන්ගෝලියාවේ කි.මී. 4500 ක සංචාරයක්. අගනුවර උලාන් බාටර් නගරයේ සිට වම් කලාපයේ චීන දේශසීමාව අසල දඩයම් සඳහා උකුස්සන් ඇති කරන කසාක් ජාතිකයින් සොයා ගිය අපුර්ව ගමනේ ආශ්වාදය....

    MONGOLIA TRAVEL

  • සුන්දර ගෝත්‍රිකයින්....

    කාන්තාවන් වෙනුවෙන් සිදු කෙරෙන ජනනේන්ද්‍රිය කොටස් ඡේදනය ඉතියෝපියානු රජය ඇතුළු බොහෝ අප්‍රිකානු රටවල් මගින් තහනම් කරලයි තිබෙන්නේ. ඒ කෙසේ වෙතත් තවමත් සාම්ප්‍රදායානුකුලාව එවැනි ක්‍රියා මේ ගම්මාන වල සිදු වෙනවා.>>>>

    ETHIOPIA TRAVEL

  • අපායේ දොරටුව අභියස...

    බොහෝ සංචාරකයින් මේ ගිනි කන්ද තරණය කිරීමට ආසාවක් දැක්වුවත් ආරක්ෂක තත්වයන් මතත් ඒ වගේම ගමනේ තිබෙන දුෂ්කරතාවයත් බිහිසුණු භාවයත් නිසා මේ ගමන යාමට මැලි කමක් දක්වනවා.  මා සඳහන් කල පරිදි ඉතියෝපියා එරිත්‍රියා දේශ සීමාවේ පවතින යුධමය වාතාවරණය නිසා බොහෝ දුරට අනාගතයේදීද මේ එර්ත් තාලේ ගිනි කන්ද තරණය තව දුරටත් බොහෝ සංචාරකයින්ගේ සිහිනයක් වශයෙන් පවතීවි. >>>>

    ETHIOPIA TRAVEL

    9xXTBbf_edited_edited.jpg