ඇමෙරිකාවට සීතල යුද්ධයේ අමිහිරි රස හඳුන්වා දුන්නේ ෆිදෙල් කැස්ත්‍රෝ. ඇමෙරිකානු ජනාධිපතිවරු 11 දෙනෙක් සමග ගැටුණු ෆිදෙල් කැස්ත්‍රෝ ගැන කියුබානු ජාතිකයින් නොයෙක් ආකාරයේ මත දරනවා. ෆිදෙල් කැස්ත්‍රෝට වඩා වැඩි කාලයක් බලයේ සිටින්නේ දෙවන එලිසබෙත් රැජින විතරයි.
මට මුලින්ම චේ ගුවේරා ගැන ඇසුනේ මගේ පියාගෙන්. මගේ පියා වාමාංශික මතධාරියෙක් වූ නිසා චේගුවේරා, ලෙනින් ගේ පොත් පත් විශාල වශයෙන් අපේ නිවසේ පුස්තකාලයේ තිබුනා. 1971 වසරේ අප්‍රේල් කැරැල්ල සිදුවූ සමයේ අපි පදිංචි වී සිටියේ කෑගල්ල ප්‍රදේශයේ. ඒ කාලයේ සිදුවූ සිද්ධියක් හා සම්බන්ධව මගේ පියා නිතරම අදහස් පල කළා. අප්‍රේල් කැරැල්ල කෑගලු දිස්ත්‍රික්කයට විශාල වශයෙන් බලපෑවා.........
1980 දශකයේ දී කියුබානු ජනතාවන් හවානා නගරයේ විදේශීය තානාපති කාර්යාල වෙත කඩා වැදී දේශපාලන රැකවරණ ඉල්ලා සිටීම කිහිප වතාවක්ම සිදුවුනා. මෙයින් විශාලම සිද්ධිය වුනේ 1979 වසරේ අප්‍රේල් මාසේ 1 වැනිදා කියුබානුවන් පිරිසක් බස් රථයකින් පේරු තානාපති කාර්යාලයේ ගේට්ටුව බිඳ දමමින් තානාපති කාර්යාල කඩා වැදී දේශපාලන රැකවරණ ඉල්ලා සිටියා. මේ සිද්ධියේදී තානාපති කාර්යාලයේ ආරක්ෂාවට සිටි එක් කියුබානු හමුදා භටයෙක් මරුමුවට පත් වුනා.
කියුබාවට යන්නට රුසියාවේ මොස්කව් නගරයේ සිට පැය 13ක ගුවන් ගමන් කාලයක්. ගුවන් යානයේදී ගුවන් සේවිකාවක් විසින් ලබා දුන් සඟරාවක ෆිදෙල් සහ චේ ගුවේරා ගැන ලියවුනු ලිපියකට මගේ අවධානය යොමු වුනා. "අද ෆිදෙල් කැස්ත්‍රෝ ජීවතුන් අතර නැහැ. චේ ගුවේරාත් ජීවතුන් අතර නැහැ. ඔවුන් දෙදෙනාට කොහේදී හරි හමුවන්නට දැන් නැවත වාරයක් අවස්ථාව උදා වෙලා තිබෙනවා."....
