රතු මුහුද වෙනුවට ඉන්දියන් සාගරය !

ඊජිප්තුවත් සමග තියෙන සියලුම ගුවන් සේවා නතර කරන්න රුසියාව තීරණය කරලා.  මේ වසරේ දැනට රුසියානු සංචාරකයින් මිලියනයකටත් වඩා ඊජිප්තුවේ සංචාරය කරලා තිබෙනවා.  ඊජිප්තුව කියන්නේ රුසියානු සංචාරකයින් අතර ජනප්‍රිය මෙන්ම ඔවුන්ට දැරිය හැකි මිලකට යන්නට පුලුවන් රටක්.

 

රුසියානු ගුවන් යානයක් ඊජිප්තු අහසේ දී අනතුරකට ලක්වීම ත්‍රස්තවාදී බෝම්බයක් නිසා සිදුවූ බව දැන් නිගමනය වෙමින් පවතිනවා. කෙසේ හෝ පමාවී හෝ රුසියාව මේ ඊජිප්තුව සමග ගුවන් සේවා නතර කර දමන්න දැන් තීරණය කරලා හමාරයි. දැනට අති විශාල රුසියානු සංචාරකයින් පිරිසක් මේ මොහොත වන විට ඊජිප්තුවේ වෙරළාසන්න නගර වල තම නිවාඩුව ගත කරමින් සිටිනවා.  දැන් ඔවුන් සියලු දෙනාම ඊජිප්තුවෙන් පිටවීමට බලා ගෙන සිටිනවා. ඊජිප්තුවේ සිටින රුසියානු සංචාරකයින් නැවත රුසියාව බලා ගෙන එන්නට රුසියානු රජය දැනට ගුවන් යානා 11ක් පමණ යොදවා තිබෙනවා.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

මේ ප්‍රශ්නය තවත් දරුනු අතට පත් වෙන්නේ මෙසේ ඊජිප්තුවට යාම නතර වීම නිසා රුසියානු සංචාරකයින්ට ලාභදායි ලෙස සංචාරය කිරීමට හැකි රටවල් තව දුරටත් අඩුවීමයි.  තායිලන්ත, තුර්කිය, අප්‍රිකානු සහ අරාබි රටවල් වල පවතින අස්ථාවර දේශපාලන තත්වයන් නිසා ඒවායේ සංචාරය කිරීමට දැන් රුසියානුවන් එතරම් කැමැත්තක් දක්වන්නේ නැහැ.  යුරෝපීය රටවල් වලට යාමට පුළුවන් වුනත් මිල අධික කම  සහ දැනට පවතින සම්භාධක නිසා රුසියානු රජය රුසියානු සංචාරකයින් යුරෝපීය රටවල් වලට යාම ගැන එතරම් උනන්දු කිරීමක් නැහැ.

 

ඉතිරිව ඇත්තේ ඉන්දීය සාගරයේ රටවල් පමණයි. ශ්‍රී ලංකාව, ඉන්දියාව සහ මාලදිවයින මේ අතරින් පෙරමුණේ සිටිනවා. මේ මිලියනයකටත් අධික රුසියානු සංචාරකයින් පිරිස දැනට සිටින්නේ කෙසේ තම ශීත නිවාඩු කාලය ගත කරන්නේ දැයි සිතමින්.

 

මේ පිරිසෙන් අඩු වශයෙන් 1%ක් වත් අපේ රටට ගෙන්වා ගන්නට හැකිවේනම් අපේ රටේ සංචාරක ව්‍යාපාරයට එය මහඟු අත්වැලක් වේවි.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

ජායාරුප - Sergei Karpukhin/Reuters , dailymail.co.uk

 

 

 

 

 

 

 

 

 

 

 

 

ඔබේ අදහස්   

තවත් පුවත් 
Please reload

Please reload

ජයාරූප පුවත්