රුසියානු ගුවන් යානයේ අනතුර ත්‍රස්තවාදී ක්‍රියාවක්ද !

රුසියානු ගුවන් යානයක් ඊජිප්තුවේදී බිහිසුණු අනතුරකට ලක්වීමෙන් මගීන් 224 දෙනෙක් මරු මුවට පත් වුනා. මෙයින් වැඩි දෙනෙක් රුසියානු ජාතිකයින්. මේ සියලු දෙනාම ඊජිප්තුවේ සංචාර නිම වී මව් බිම කරා පැමිණෙමින් තිබු සංචාරකයින්.

 

අනතුර සිදුවූ සැනින් ලැබුණු වාර්තා වල සඳහන් වුයේ ගුවන් යානයේ කාර්මික දෝෂ නිසා මෙම ගුවන් අනතුර හට ගත් බවයි. ගුවන් යානය හිමි ගුවන් සමාගම එක හෙලාම ප්‍රකාශ කර සිටියේ තම ගුවන් යානය ජාත්‍යන්තර තත්ත්ව පරීක්ෂණ වලට අනුකුලව තිබු බවත් කිසිම කාර්මික දෝශයක සලකුණක් හෝ නොතිබුණු බවයි.  නමුත් දැන් දැන් ලැබෙන වාර්තා වල සඳහන් වන්නේ මෙය ත්‍රස්තවාදී ක්‍රියාවක ප්‍රතිපලයක් බවයි. හැබැයි මේ සියලුම වාර්තා තවම රුසියානු රජය ප්‍රතික්ෂේප කරනවා. 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

හැබැයි අද සිට දින දහයක් ඇතුලත තම රටේ සියලුම සංචාරකයින් ඊජිප්තුවේ ශාර්ම් එල් ශේයිඛ් නගරයෙන් ඉවත් කර ගැනීමට බ්‍රිතාන්‍ය රජය තීරණය කර තිබෙනවා. මේ වන විට බ්‍රිතාන්‍ය සංචාරකයින් 20,000කට අධික ප්‍රමාණය ඊජිප්තුවේ තරු පහේ හෝටල් වල විවේක ගන්නවා.  මේ සඳහා බ්‍රිතාන්‍ය රජය හිස් ගුවන් යානා විශාල ප්‍රමාණයක් ඊජිප්තුව වෙත යැවීම දැනටමත් ආරම්භ කරලා.  ඒ වගේම ඉදිරියට ඊජිප්තුවට ගුවන් ගමනුත් නවතා දමන්නට තීරණය කරලා. බ්‍රිතාන්‍ය විදේශ අමාත්‍ය වරයා ඊයේ පැවසුවේ ඔවුන් හට ලැබී තිබෙන විශ්වාසදායික සාක්ෂි වලට අනුව මේ ක්‍රියාව ඉස්ලාමික අයිසිස් සටන්කාමීන්ගේ ක්‍රියාවක් බවට තහවුරු වී ඇති බවක්.  ඒ වගේම අනිකුත් යුරෝපීය රටවල්ද බ්‍රිතාන්‍යය අනුගමනය කරනු ඇතැයි සිතන්නට පුළුවන්. 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

ඒ වගේම දැන් ඊජිප්තුව ගුවන් තොටුපළවල් වෙත ආරක්ෂාව සම්බන්ධයෙන් විශාල චෝදනා එල්ල වෙනවා. සාමාන්‍ය සංචාරකයින් අන්තර් ජාතික මාධ්‍ය වලට ලබා දුන් විස්තර වලට අනුව ශාර්ම් එල් ශේයිඛ් ගුවන් තොටුපලේ පරීක්ෂා කිරීම් ඉතාමත් දුබල තත්වයක පැවතෙන්නේ. සමහර සංචාරකයින් පවසන්නේ ඔවුන්ගේ බඩු බාහිරාදිය ස්කෑන් යන්ත්‍ර මගින් පරීක්ෂා කලත් අනතුරු සීනු නාද වුනත් කිසිම නිලදාරියෙක් ඒවා විවෘත කර බලන්නට පැමිණි නැති බවයි. එසේම ස්කෑන් යන්ත්‍රය ක්‍රියාත්මක කල නිලධාරියෙක් තම රාජකාරී වෙලාවේදී පරිගණක ක්‍රීඩා කරමින් සිටීන අන්දමත් ස්කෑන් යන්ත්‍රය හරහා යවන බෑග් ගැන කිසිම තැකීමකින් තොරව ක්‍රියා කල බවත් සංචාරකයින් පවසනවා. 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

රුසියානු සංචාරකයින්ගේ ඊජිප්තුවට යන ගමන්වාරත් 50%ක් පමණ මේ වන විට නවතා දමන්නට සංචාරක ආයතන වලට සිදුවෙලා. නමුත් ඔවුන් සංචාරකයින් යැවීම සම්පුර්ණයෙන්ම නවතා දමලා නැහැ. 

 

අනතුරට පත්වූ රුසියානු සංචාරකයින්ගේ සිරුරු විශාල ප්‍රමාණයක් දැනට පීටර්ස්බර්ග් නගරයට ලැබී තිබෙනවා. නොවැම්බර් මස 1 වැනිදා රුසියාවේ ජාතික ශෝක දිනයක් හැටියට නම් කරලා තිබුනා. 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

බ්‍රිතාන්‍ය විදේශ අමාත්‍ය වරයා ඊයේ පැවසු ප්‍රකාශය සම්බන්ධයෙන් රුසියාව පවසන්නේ බ්‍රිතාන්‍යයට එවැනි තීරණයක් ගැනීමට සම්පුර්ණ අයිතිය ඇති බවත් එය ඔවුන්ගේ තනි තීරණයක් බවත්. 

 

මේ ගුවන් අනතුර ගැන තවමත් අවසාන වාර්තා පිට වෙලා නැහැ. අවසාන වාර්තා කවදා පිටවෙයි දන්නේ නැහැ.  හැබැයි මේ අනතුර නිසා රුසියානු ජනතාව බලවත් සිත් තැවුලකට පත් වෙලා තියෙන්නේ.  අන්තර් ජාතික ප්‍රශ්න වලට රුසියාව සම්බන්ධ වීමේ පල විපාක ගැන මේ දින වල වාද විවාද වල අඩුවක් නම් නැහැ. 

 

ජායාරුප - TASS

 

 

 

 

 

 

 

 

 

 

 

Please reload

ජයාරූප පුවත්