රුසියාවේ මල මුහුද 

 

ඊශ්‍රායල සහ ජෝර්දානය අතර පිහිටා තිබෙන මල මුහුද ගැන ඔබ අහලා ඇති. හැබැයි රුසියාවෙත් මල මුදක් තියනවා යයි කීවොත් ඔබ පුදුම වෙනවා ඇති.

 

මේ මල මුහුද හැඳින්වෙන්න බෙස්කුන්චාක් මුහුද හැටියට. මෙය පිහිටා තිබෙන්නේ අස්ත්‍රහාන් සහ වොල්ගෝග්‍රාඩ් නගරය වලට ආසන්නව. ඒ කියන්නේ මොස්කව් නගරයේ සිට කි.මී. 1600ක් පමණ දකුණු දෙසට.

 

 

මේ මුදේ ලුණු සාන්ද්‍රණය කොතරම් අධිකදැයි කිවහොත් පිහිනන්න නොදන්නා කෙනෙකුට පවා බය නැතුව ගිලෙන්නේ නැතිව වතුරේ පා වෙන්න පුළුවන්. අධික ලුණු සහිත බව නිසාම මලමුහුදේ ජලය සාමාන්‍ය ජලයට වඩා බරින් වැඩියි.ඒ හේතුව නිසා තමයි මිනිසුන්ට කිසිම උත්සහයක් නොගෙන මේ වතුර  මතුපිට පා වෙන්න පුළුවන් වී තිබෙන්නේ.

 

මුහුදු මට්ටමේ සිට මීටර 21 පහලින් තමයි මේ මුහුද පිහිටා තිබෙන්නේ.  වසරකට ලුණු ටොන් මිලියන 5ක් පමණ ප්‍රමාණයක් මේ බෙස්කුන්චාක් ප්‍රදේශයෙන් සැපයෙනවා . ඒ කියන්නේ රුසියාවේ ලුණු නිෂ්පාදනයෙන් 80%ක් පමණ.

Я заголовок. Дважды кликните по мне!

ඒ වගේම ඊශ්‍රායල සහ ජෝර්දානය අතර පිහිටා තිබෙන මල මුහුදේ වගේම කළු පැහැති මේ මුදේ මඩ අද ඇඟේ තවරා ගන්න විශාල සංචාරකයින් පිරිසක් දිනපතා පැමිණෙනවා.  මේ මඩ නිසා සමේ රෝග ස පැහැය වෙනස් වන බවට විශ්වාසයක් තිබෙන නිසා විශේෂ සනීපශාගර පවා දැන් මේ කුඩා නගරයේ ඉදි කර තිබෙනවා. ඒ වගේම දැන් මේ කුඩා නගරයේ කඩ සාප්පු, හෝටල්ද ටිකෙන් ටික බිහි වෙනවා.  

මේ මල මුහුදේ තවත් අමුතු දර්ශනයක් දකින්නට ලැබෙනවා. ඒ ලුණු වතුර මැදින් දිවෙන දුම්රිය මාර්ගයයි. මේ දුම්රිය මාර්ගය තනා තිබෙන්නේ නිෂ්පාදනය කරන ලුණු රැගෙන යාමට පැමිණෙන බඩු දුම්රියන් සඳහායි.  හැබැයි සාම වසරකම රේල් පීලි මාරු කරන්න වෙලා තියෙනවා. ඒ අධික ලුණු සාන්ද්‍රණය නිසා යකඩ පීලි මලකඩ කෑම නිසයි.

Please reload

ජායාරුප - www.maxpark.com

ඔබේ අදහස්   

තවත් පුවත් 

රුවන්ඩාව ගැන මගේ හිත තුල මෙතරම් ආදරයක් ඇති වනු ඇති බව නම් මා කවදාකත් විශ්වාස නොකලෙමි. රුවන්දාවට පැමිණීමට පෙර  ඒ රට ගැන මා සිතා සිටියේ උන සංවර්ධිත දරිද්‍රතාවයෙන් පෙලෙන අනාරක්ෂිත රාජ්‍යයක් බවයි. වසර කිහිපයකට  උඩදී මා නැරඹු රුවන්ඩා හෝටලය නමැති...