ලොව ප්‍රථම සබ්මැරීන හෝටලය ඇමෙරිකාවෙන් ..

තවත් පුවත් 
Please reload

ඔබේ අදහස්   

Please reload

ජයාරූප පුවත්    

ලොව ප්‍රථම වතුර යට සබ්මැරීන හෝටලය මේ වන විට ඇමෙරිකාවේ ෆ්ලොරිඩා ප්‍රාන්තයේ කී වෙස්ට් මුහුදේ ඉදි වෙමින් පවතිනවා. තව මාස 4 කින් පමණ මේ හෝටලයේ සේවා තාවකාලිකව ආරම්භ කරන්නට බලාපොරොත්තු වෙනවා. 

 

 

ඇමෙරිකාවේ Planet Ocean Underwater Hotel සමාගම තමයි මේ දැවැන්ත කාර්යය භාර අරගෙන තියෙන්නේ. 

 

සියලු සැප පහසුකම් වලින් සමන්විත කාමර 12ක් මේ සබ්මැරීන හෝටලයේ ඉදි වෙනවා. ඒ සියලුම කාමර වලට ශීතකරණ, අන්තර් ජාල පහසුකම්, රුපවාහිනී විතරක් නෙවෙයි දැවැන්ත භෝජනාගාරයක් සහ විශේෂ ප්‍රදර්ශන වේදිකාවක්ද ඇතුලත් වෙනවා. 

 

 

 

මේ හෝටලයට පැමිණෙන අමුත්තන්ට තම නිදන කාමරයේ සිටම දර්ශනීය කොරල් පර අතරින් පීනා යන විවිධ වර්ගයේ මත්ස්‍යයින් සහ ලේසර් සංදර්ශන නරඹන්නට පුළුවන්. 

මුහුදු ජාල මට්ටමේ සිට මීටර 9ක් පමණ ගැඹුරකින් මේ හෝටලය ඉදි  වෙන අතර අමුත්තන්ට හෝටලයට පිවිසීමට විශේෂ විදුලි සොපාවක්ද තිබෙනවා. ඒ වගේම එන අමුත්තන්ට ආරක්ෂාව පිළිබඳව කෙටි පැහැදිලි කිරීමකුත් සිදු කරනවා. 

එක් රැයක් නතරවීම සඳහා ඇමෙරිකානු ඩොලර් තුන්දහසේ සිට හයදහස දක්වා අතර ප්‍රමාණයක් ගෙවීමට සිදු වෙනවා.

 

මේ සබ්මැරීන හෝටලය ඉදි කිරීමට ඩොලර් මිලියන 20ක් පමණ වැය වෙතැයි ගණන් බලා තිබෙනවා. 

 

හෝටලයෙන් ලැබෙන ලාබයෙන් කොටසක් කොරල් පර ආරක්ෂා කර ගැනීම සඳහා ව්‍යාපෘතියක යොදන්නට හෝටල් සමාගම බලාපොරොත්තු වෙනවා. 

 

විස්තර-planet Ocean Underwater Hotel වෙබ් අඩවියෙන්